الفحوص الدورية مهمة جداً عشان تمشى على نمط حياة صحية

  1. Homepage
  2. الاورام الخبيثة والحميدة
  3. الفحوص الدورية مهمة جداً عشان تمشى على نمط حياة صحية
الفحوص الدورية مهمة جداً عشان تمشى على نمط حياة صحية

الفحوص الدورية مهمة جداً عشان تمشى على نمط حياة صحية

تحليل ضغط الدم و السكر:
قياس ضغط الدم مهم من أول سن ال18 عشان تقدري تتابعي لو حصل أى تغيير, أما بالنسبة للسكر فحللى لو طلب الدكتور منك أو لو كان مستوى ضغط الدم أعلى من 135\80 و بتخدى له أدوية.



تحليل الكوليسترول:
الكوليسترول بيقيس نسبة الدهون فى الدم, عشان كده يفضل انك تحللي فى أوائل العشرينيات لو كان فى خطر الإصابة بأمراض قلبية. تابعي مع دكتورك عشان هو هيقدر يقولك إمتى تبدأي تحللي الكوليسترول.



قياس كثافة العظام:
التحليل ده مهم لاكتشاف لو كان فيه هشاشة عظام, و بتزيد أهميته فى أواخر الأربعينيات و مع المرور بفترة اليأس. عشان كده بنصح أن التحليل تتعمل مرة كل سنة بصفة مستمرة, و تابعي مع دكتورك عشان تعرفى إيه أنسب حاجة لكى.



أشعة و موجات صوتية على الثدى:
الأشعة والموجات الصوتية على الثدي مهمة جداً فى الكشف المبكر لسرطان الثدى و عمل الإجراءات اللازمة للوقاية. في فترة العشرينيات يكفي الكشف العيادى, لكن مع بداية الثلاثينيات والأربعينيات والخمسينيات يفضل عمل الصورة الشعاعية للثدي مرة كل خمس سنين. اسالى دكتورك أكتر عشان تعرفى المناسب لكى. ممكن تقومي بفحص ذاتي فى البيت بصى فى المرايا على الثديين مرة و الذراعين على الوسط و مرة أخرى و هما مرفوعيين لفوق, اتاكدى من شكل و حجم و لون الثديين أن مفيش فيهم تغيير. لو لاحظتي أي تغيير أو تورم أو إفرازات من الحلمات إرجعى لدكتورك لإجراء الفحوصات اللازمة.



الفحص المهبلى لعنق الرحم:
التحليل ده مهم فى الاكتشاف المبكر لسرطان عنق الرحم و يفضل أنه يتم مرة كل 3 سنين فى فترة العشرينات و التلاتينات, ممكن بعد كده فى فترة الأربعينيات والخمسينيات أنه يتعمل مرة كل 5 سنوات. اسالى دكتورك عشان تعرفى أكتر.