الم اللثه ورائحة الفم الكريهه

  1. Homepage
  2. البشرة والجمال
  3. الم اللثه ورائحة الفم الكريهه
الم اللثه ورائحة الفم الكريهه

الم اللثه ورائحة الفم الكريهه




ازاي بيتكون الجير و ازاي نمنع تكوينه؟


لما مانغسلش اسناننا لفترة أو حتي نغسلها بطريقة مش صح لكل أوجه الاسنان بتتكون ترسيبات بيضاء دسمة وده بتكون عبارة عن انواع مختلفة من البكتريا. الترسيبات ده لو اتسابت بتفرز سموم بتهيج اللثة و بتفرز حامض بيسبب تسوس الاسنان... مع الوقت بيتكون الجير و ده حاجه صلبة مستحيل غسيل الاسنان يكسرها او يشيلها و هنا بيجي تدخل الطبيب في عملية علاج اللثة و ازلة الترسيبات الجيريه وكمان ازاله جزء من الصبغات اللي اتكونت من الشاي أو القهوه أو السجاير


كم مرة وانت بتغسل أسنانك نزفت لثتك دم و ايه سبب ده؟


السبب في اللثة اللي بتبقي ملتهبة التهاب شديد للأسباب اللي قولناها قبل كده والعلاج بسيط زيارة طبيب الاسنان و عمل جلسة علاج اللثة


هل في ألم في جلسة علاج اللثة؟


من الحاجات القليله جدا في عيادة الاسنان اللي مش بتحتاج حقن تخدير أو حتي تخدير موضعي أو رش و ده بيوضح انها سهلة و مش مؤلمة


كم مرة حسيت ان ريحة الفم كريهة و مابتبقاش عارف السبب ايه؟


أهم أسباب ريحة الفم الكريهة هو تكون الجير و الترسيبات و البكتريا في الفم


نختصر كل ده في ان جلسات علاج اللثة أكبر وقاية لأي مشكلة في الأسنان و أرخص و أسرع عملية ممكن نعملها في عيادة الأسنان كل فترة علشان نعيش بأسنان بدون ألم و ابتسامة مشرقة ورائحة فم منعشة