وصفه معجنات بالجبن

  1. Homepage
  2. وصفات طبخ صحية
  3. وصفه معجنات بالجبن
وصفه معجنات بالجبن

وصفه معجنات بالجبن

سوف اقدم اليكم اليوم طريقه تحضير وصفه معجنات بالجبن

 


المقادير:
(المقادير مكتوبه بترتيب وضعهم على بعض)

- نصف كيلو دقيق (وشويه زياده على جنب مقدار كوبايه مثلا علشان لو احتجناها فالعجن)
- معلقة سكر كبيرة
- ملعقة خميرة فوريه كبيرة (ياريت تقروا ضهر الغلاف بتاعها انها بتطحط عالدقيق عالطول وماتكونش بتدوب فى مايه الاول )
- ربع كيلو لبن دافئ
- 2 بيض
- ملعقة صغيرة ملح
- فنجان شاى اللى فالطقم الصينى، زبده بدرجة حرارة الغرفة بس انا سايحتها لانى مش عندى العجانة



الطريقة:

1- هانجيب الدقيق ونحط عليه السكر والخميرة ونقلبهم بعد كده نضرب البيضتين ونقلبهم مع اللبن الدافئ ونضيفهم شوية شويه على الدقيق ونضيف معاهم الملح ونفضل نعجن بعد كده نضيف الزبده ونكمل عجن، لو لاقيناها سايبه مننا نضيف كوبايه الدقيق

2- نسبها تتخمر بعد ما تتخمر نشيلها من الطبق براحة، ندخل العجين من برا لجوا لحد مانلمها على بعضها

3- نقسمها العدد اللى احنا عايزينو، انا العجينة دى اتقسمت معايا 7 كور بعد كده نفردهم زى اللى فالصورة صوابع كبيرة ونعملها ضفيرة

4- نجيب صينيه مستطيلة وندهنها زبدة او اى شكل نحبه وممكن مانعملهاش ضفيرة وتبقى الشكل اللى احنا عايزينه ماشى ونسبها تتخمر تانى بس تخلوا بالكم ماتغطوش الصينيه بكيس علشان العجينة لما تخمر وتيجى تشيلى الكيس ماتهبطش منك

5- بعد ما تتخمر وهى فى الصينية ندهن وشها (صفار بيضة وشوية لبن ورشة فانيليا) وندخلها الفرن على اعلى درجة بس نكون مسخنينو الاول ولما وشها يحمر تبقى استوت